Bamusiga nsimbi abatembeeya essepiti bagenda kukwatibwa – Col. Nakalema

Akulira akakiiko okuva mu maka g’Omukulembeze w’Eggwanga akavunaanyizibwa ku basigansimbi aka @State House Investors Protection Unit, Col. Edith Nakalema agamba nti abasigansimbi okuva ebweru w’Eggwanga abajja kuno nebonooma emsimbi ate oluvannyuma nebafundikira nga bakola emirimu egyandikoleddwa Bannayuganda kuba kusomooza kwamaanyi eri ebyokwerinda by’Eggwanga.

Ono yategeezezza nti akakiiko kakulira katandise okukolera awamu n’ebitongole byebyokwerinda mu Ggwanga okulaba nti kino kikomezebwa. Nakalema yategeezezza nti abagwiira bonna abenyigira mu busuubuzi obulina okukolebwa Bannayuganda okugeza ng’okutunda amasseffuliya, obuuma ebikola ebyokunya, obumpwankimpwanki n’ebirala bakukwatibwa ne visa zaabwe zisazibwemu.