Bakutte abadde agoba ebyapa ku ttaka lya Gavumenti e Mbarara
Akakiiko akalwanyisa obuli bw’enguzi n’obukenuzi okuva mu maka g’omukulembeze w’eggwanga aka Anti Corruption Unit – State House Uganda wamu ne Uganda Police Force bakutte Tumwiine Evarist lwakwekobaana kukola kyapa ku ttaka lya Gavumenti erisangibwa e Kyarwabuganda.
Ettaka lino liweza Hectares 14.62 nga kuliko eddwaliro erya Health Center III, ebidiba by’ente 2, LC 11 Administrative Units, ekisaawe n’ebirala.
Tumwiine yasangiddwa ne ddensite 2 eza Minisitule y’ebyettaka nga ziraga nti akola nga Senior Staff Surveyor owa Masaka ne Mbarara. Yasangiddwa n’empapula ezisaba okukyuusa obwannanyini ku ttaka, wamu n’ebyapa. Ono era yagezezzaako okuliisa abakozi b’Akakiiko enguzi bweyasindise mukwano gwe, Mungereza Edward eyakwatiddwa n’obukadde 5 bweyabadde ayagala okuwaayo bayimbule Tumwiine Evarist.
