Abasirikale ba UPDF abalabikidde mu katambi nga bakuba omuntu basindikiddwa mu kkomera
Abasirikale b’Eggye lya UPDF 5 abakwatibwa ku bigambibwa nti bebalabikira mu katambi nga bakuba omuntu wabulijjo emiggo eyali agambibwa okubeera omubbi wa piki piki olunaku olwaleero basimbiddwa mu Kkooti ekwasisa empisa eya 505 Brigade Unit Disciplinary Court ebadde ekubirizibwa Lt. Col. ML Kigundu mu Lagot Parish, Mucwini Sub-county, mu Disitulikiti y’e Kitgum.
Abasirikale okuli; Corporal Odong Richard Burton, Private Omara Martine Henry, Private Mongu Acel Sunday, Private Ogwang Denish ne Private Omara Morish bavunaaniddwa omusango gwokutulugunya wamu n’okulumya omuntu ategerekese nti ye Omon Nelson nga 11 December 2023 ekikontana n’akawayiro 312(d) ne 5(k) mu Prevention and Prohibition of Torture Act, 2012.
4 ku bano olunaku olwaleero mu Kkooti yamaggye etudde baweereddwa ekibonerezo kyakusibwa omwaka 1 mu kkomera lya Lira Government Prison era nebagobwa ne mu maggye.
