Abafiiridde mu nnyanja Nalubaale kati baweze 30 – Poliisi
Omuwendo gw’abaafiiridde mu kubbira kw’eryato ku nnyanja Nalubaale gulinnye nga kati emirambo egyakannyululwa giri 30. Bino bikakasiddwa adduumira Uganda Police Force y’okumazzi Ubaldo Bamunoba era nga yakuliddemu omuyigo gw’emirambo gy’abaafiride mu njega eno.
Kigambibwa nti eryato lino eryali litisse akabindo lyaliko abantu abasoba mu 30. Poliisi ekyagenda mumaaso n’okunoonya abantu abalala abaafiiridde mu kabenje kano.
