Aba Famire ya Garuga batabuse lwa byabugagga
Abennyumba y’Omugenzi James Garuga Musinguzi baddukidde mu Kkooti Enkulu nga bayimiriza Nnamwandu Peace Kesime Musinguzi obutaweebwa buyinza kuddukanya byabugagga by’omugenzi ebibaririrwamu obukadde bwa ddoola 260.
Mutabani w’Omugenzi Garuga omukulu, Alwyn Carl Musinguzi, ngayita mu Bannamateeka be aba M/S Abaine-Buregyeya & Co. Advocates, yatadde envumbo ku muntu yenna okuweebwa obuyinza okuddukanya ebyobugagga bya Kitaawe. Alwyn agamba nti nnamwandu Peace Kesime tayalaze byabugagga bya kitaabwe byonna nti n’omuwendo gweyawaddeyo mutono ddala nga gusingako.
Alwyn agamba nti ebyobugagga byamayumba okuli; ennyumba eyemyaliro 3 ku Plot M63, Garuga Close, Mbuya (ebalirirwamu obuwumbi 6), amaka e Rugyeyo gabisenge 15 agali ku yiika 20 (obuwumbi 20), nekizimbe ekipangisibwa ku Serunkuma zivaamu obukadde 20 buli mwezi.
Ettaka:Ebyapa ebisoba 152 ebiri wansi wa Garuga Properties Ltd ebiweza yiika 210 e Garuga — nga buli yiika ebalirirwamu emitwalo gya ddoola 20. Square miles 30 wansi wa Incafex Ltd ne ffaamu e Ngoma ne Kyankwanzi ezibalirirwamu obuwumbi 50.
Ebyobulimi n’amakolero; Emigabo egisinga mu Kigezi Highland Tea Ltd n’amakolero 4 Kabale, Rukungiri ne Kisoro; emigabo mu Kinkizi Development Co. Ltd (obuwumbi 20), ekyuuma kya kasooli ne square miles z’ettaka ezisoba mu 2 wansi wa Kamwenge Community Development Project Ltd (obuwumbi 30).
Ebyobulambuzi ne woteeri: Savanna Resort Hotel Ltd, yiika 35 luxury property ngerina 18-hole golf course n’ekisaawe ky’ennyonyi ekyobwannanyini ngebalirirwamu obuwumbi 40.
Ensimbi enkalu ku akawunti mu bbanka ezenjawulo nga zisoba mu buwumbi 5 nga kigambibwa zaali zabujanjabi ebweru w’Eggwanga.
Era balaga nti waliwo condominium apartments e Kyambogo (ezibalirirwamu obuwumbi 2), ettaka e Kololo, Najjanankumbi ne Hanlon Road (zibalirirwamu obuwumbi 10), wamu n’emigabo mu Kanungu Broadcasting Services Ltd (obuwumbi 10).
Alwyn agamba nti abaana bonna abalina okuganyulwa mu bino bakulu ekimala nga basobola okuddukanya ebintu byomugenzi wamu nti era Maama waabwe mugonvu mu bulamu nga talina busobozi kulabirira bintu bino byonna.
