Waliwo abantu 4 ababadde bafuna omusaala gwa UBC nga sibakozi baayo – COSASE

Winston Agaba, Managing Director wa Uganda Broadcasting Corporation avuddeyo nategeeza Ababaka abatuula ku Kakiiko ka Palamenti akalondoola ebitongole bya Gavumenti aka Committee of Commissions, Statutory Authorities & State Enterprises (COSASE), nti yali takimanyiiko nti waliiwo abantu abaali bafuna omusaala okuva mu Kitongoe naye nga sibakozi okutuusa Ministry of Public Service lweyakizuula.

Bino abyogedde alabiseeko mu Kakiiko ka COSASE Ababaka gyebamuteeredde ku nninga annyonyole lwaki baali basasula abantu abatali bakozi wamu na lwaki baalina enkalala 3 kwebasasulira abakozi ku mirimu gyegimu naye nga bafuna ssente zanjawulo.

Ababadde bafuna omusaala naye nga sibakozi kuliko; Yosam Rugundana (Deputy Head Teacher e Nakasongola), Ssempa Kanakulya (Mukozi mu State House), Patrick Baligonzaki mukozi ku Busitema University ne Christine Birungi Birabwa. Ababaka era bategeezezza nti offiisi ya IGG yasalawo kunoonyereza ku Birungi yekka bbo abalala nebaleka nga kino kireeseewo ebibuuzo.