Sheebah ne Cindy mulina okukyuusa ku nnyambala – Babaka

Ababaka ba Palamenti okuli; Peggy Wako akiikirira Abakyala abakadde, ne Nsaba Buturo (Bufumbira East) bavuddeyo ne bavumirira ennyambala embi eyayoleseddwa abayimbi

@Sheebah Karungi ne Cindy sanyu bwebaali battunka mu kuyimba ku Lwokutaano oluwedde e Kololo.

Bano bagamba nti ennyambala eno siyawano era nebasaba Minisitule evunaanyizibwa ku Tekinologiya n’okuluŋŋamya Eggwanga okuvaayo eyogere ku nsonga eno ng’Eggwanga terinaba kubbira mu buseegu buno.

Omubaka Peggy Wako ategeezezza nti abayimbi balina okwetwala ng’abantu ab’omugaso ennyo mu Ggwanga kubanga obubaka bungi obuyita mu nnyimba zaabwe nga kyokka bwebasalawo okutandika okweweebula bagenda kuba basudde obubonero bungi ekiyinza n’okubaviirako okufiirwa omulimu gwabwe.