Pulezidenti Yoweri Kaguta Museveni; “Abataka ba Buganda bankyaliddeko mu maka amakulu wano e Ntebe mu Busiro olunaku lwajjo, nga baakulembeddwa Owek. Joyce Ssebuggwawo. Nabannyonnyodde nti newankubadde banange bangi baali bawakanya eky’okuzzaawo Obwakabaka nze nabategeeza nti eby’ennono nsonga nkulu nnyo mu kuzimba Eggwanga. Era ffenna netukkiriziganya nti Obwakabaka buddewo. Eby’Ennono mbyagala nnyo kubanga n’eri ewaffe mu Ankole, omuntu avudde ku nnono awaba n’abula.
Yadde nga waliwo eby’ennono ebirina okukyuuka nga ssaayansi bwazze atuwabula. Katugeze; nga okunywa amata agatali mafumbe, okufumbiza omwana ow’obuwala eyakagenda mu nsonga emirundi ebiri gyokka, mu nnono ng’akabonero akalaga nti akuze naye nga mubutuufu tanneetuuka, n’ebirala. Ennono ky’ekinyusi ky’embeera z’abantu. Naye zetaaga okwekkeneenyezebwa.”
Leave a Reply
You must be logged in to post a comment.