Okutuggyako ensako tekijja kutujja ku mulamwa – Hon. Mpuuga

Akulira oludda oluwabula Gavumenti mu Palamenti Hon. Mathias Mpuuga Nsamba asekeredde abalowooza nti Ababaka bakulembera basobola okupondooka nebakomawo mu Palamenti nga byebaasaba tebikoleddwa olw’okutya okuggyibwako ensako nagamba nti akirowooza ali ku bibye kubanga Ababaka tebasobola kuwewuka kutuuka awo kubanga omuwi w’omusolo abasasula bulungi ekimala.
Owek. Mpuuga agamba nti wadde ng’ensako ya Babaka ya makulu gyebali ate nga eri mu mateeka Ababaka basobola okutambuza obulamu mu ngeri nnyigi nebweba tebaweereddwa nsako era nti asuubira okubatega akalippo ako abiveeko buvi.