Minisitule evunaanyizibwa ku kikula ky’abantu, abakozi n’embeera z’abantu evuddeyo netegeeza nga bweyetaaga ensimbi ezenyongereza obuwumbi bw’ensimbi za Uganda 2 okuddaabirizi Omuzigiti gwa Gadhafi okusangibwa ku Kasozi Kampala Mukadde.
Omuzigiti ogwogerwako byebimu ku by’obugagga by’Obusiraamu ebyeteekebwa ku lukalala lw’ebintu ebirina okuboyebwa omusuubuzi Justus Kyahabwa abanja obuwumbi 19.
Minisitule y’Ebyobulamu etegeezezza Palamenti nti yetaaga ensimbi ezenyogereza obuwumbi 2 mu obukadde 700 zesasulire okulondoola emirimu gyokuzimba eddwaliro lya Lubowa Specialized Hospital, wamu n’ensimbi endala obuwumbi 22 mu obukadde 934 okusasula emisaala gy’aba medical interns.
Minisitule evunaanyizibwa ku nsonga z’ettaka esabye Palamenti okuyisa ensimbi ezenyogereza obuwumbi 5 nga zino zakuliyirira obukulembeze obw’ennono okuli; Bunyoro obuwumbi 2, Tooro akawumbi 1 ne Buganda obuwumbi 2.