Okudda kwa Bobi Wine tekutukwatako – Minisita Baryomunsi

Minisita avunaanyizibwa ku by’amawulire n’okuluŋŋamya Eggwanga, Dr. Chris Baryomunsi avuddeyo nasambajja ebibadde biyitiŋŋna nti Gavumenti eteekateeka okuggyako yintaneeti ku lunaku olwokuna nga 5-October olw’okutya ebiyinza okubaawo nga Pulezidenti wa National Unity Platform Robert Kyagulanyi Ssentamu aka Bobi Wine akomawo mu Ggwanga akomawo.

Ono ategeezezza nti buno bulimba obuwedde emirimu kubanga Kyagulanyi waddembe okudda nga bwayagala nga tayinza nakubasuza nte tebeebase nga abawagizi be bwebalowooza.

Baryomunsi agamba ebigambo bino bisaasanyizibwa bawagizi ba Kyagulanyi kuba balowooza omuntu waabwe wa kitalo nnyo kyokka nga tewali amuliko era ye abadde tamanyi nakumanya nti ali mu nteekateeka zokukomawo kuno.