Nebwanasalawo Palamenti kugituuza mu luguudo wakati ejja kutuula wo – Sipiika Among

Sipiika wa Palamenti Anitah Annet Among avuddeyo neyeyama okugenda mu maaso nokuyamba Famire y’omugenzi Jacob Oulanyah akaseera kanamala nga ye Sipiika wa Palamenti. Ono ategeezezza nti akyalinayo ekisanja ekirala kimu nga Sipiika era nga akola n’enteekateeka ezokusindika muwala wa Oulanyah, Katen Atim okugenda ebweru w’Eggwanga asome ‘Pediatrics’ kuba kino yakisuubiza kitaawe. Among ayongeddeko nti balayira okuyamba ku famire eno era nebakituukiriza bwebawagira Andrew okufuuka omubaka, ono agamba nti era bayamba ne ku mulenzi omuto okusoma nga kati bazzaako Atim agende asome.
Mu ngeri y’emu Sipiika alayidde nga entuula mu bitundu ebyenjawulo bwezitagenda kukoma yadde nga waliwo abazivumirira nga n’Ababaka ku ludda Oluvaganya abamu bagaanyi okuzetabamu nategeeza nti Palamenti esobola okusalawo okutuula awantu wonna mu Uganda nebwewaba mu makatti g’oluguudo.
#ffemmwemmweffe