Mukiririze mu betulonze – abakulira NUP e Kayunga
Abakulembeze ba National Unity Platform mu Disitulikiti y’e Kayunga basabye bakama baabwe okuva ku kitebe ekikulu eky’ekibiina kino e Kamwokya baleme kwawukana n’ekyo ky’ebasazeewo ku muntu ki asaanidde okukwasibwa bendera ya NUP avuganye mukudamu okulonda Ssentebe omuggya owa LC5 owa Disitulikiti eno ey’e Kayunga oluvanyuma lweyali Ssentebe omugenzi Ffeffeka Mohammad Sserubogo okufa.
Bano bagamba nti ku mulundi guli mu kulonda kwabonna okwaliwo ku ntandikwa y’omwaka 2021, ekitebe kyabwe kyawa Kkaadi z’ekibiina kino eri abantu abataalina buganzi mu bantu.
