Minisita Muyingo alagidde baggalewo amatendekero agasomesa abasawo agatali ku mutindo
Omubeezi wa Minisita avunaanyizibwa ku by’Ebyenjigiriza eby’amatendekero agawaggulu Dr. John Chrysestom Muyingo alagidde Ssaabawandiisi wa Minisitule y’Ebyenjigiriza n’emizannyo okuggala amatendekero gonna agasomesa obusawo nga gakolera wabweru w’amateeka kubanga gano gasudde omutindo gw’ebyenjigiriza.
Muyingo bino abyogeredde ku woofiisi ya Ssaabaminisita mu Kampala bw’abadde afulumya ebyava mu bigezo by’Abasawo ebyakolebwa mu mwezi gw’omukaaga omwaka guno.
