Eyefuulira eyamuweerera nagaana okumufumbirwa bamulagidde amuliyirire
Omulamuzi wa Kkooti y’e Kanungu agobye okusaba okwali kwatwalibwayo Fortunate Kyarikunda ngawakanya ensala n’ekiragiro bya Kkooti mu Civil suite nnamba 024 eya 2022 bwebamulagira okuliyirira Richard Tumwiine ssente oluvanyuma lwobutatuukiriza kyeyamusuubiza. Ono era omulamuzi yamulagidde okuliyirira Tumwiine ensimbi zakozesezza okuva ono lweyateekayo okusaba kuno.
Kyarikunda ngayita mu Bannamateeka be aba M/S Nasike & Co. Advocates yateekayo okusaba kwe nga 17-March-2023 ngayagala Kkooti esazeemu ensala y’omulamuzi ngagamba nti teyafuna summons era teyasobola kuwaayo kwewozaako kwe kuba essimu ye muganda we Rhona Atukwasa yeyagirina.
Mu nsala yaayo Kkooti yalagira Kyarikunda okuliyirira Tumwiine obukadde 9 zeyamumalirako ngamuweerera wamu n’akakadde kamu olwobulumi bweyamuyisaamu n’okukosebwa bwatatuukiriza kyakumufumbirwa kyeyali yamusuubiza.
Omulamuzi Asanasio Mukobi yategeezezza nti Kkooti yakizudde nti Kyarikunda wamu ne Munnamateeka we enfunda eziwerako tebalabikako mu Kkooti ye okuva lwebateekayo okusaba kuno.
Tumwiine ne Kyarikunda, nga bombi basomesa batandika okweyagala mu 2015 bwebaali basomesa ku Kiringa Primary School mu Gombola y’e Kambuga. Mu 2018 bakola endagaano y’obufumbo era mu kasaale ako Tumwiine yatandika okulabirira wamu n’okusasulira Kyarikunda ebisale by’essomero bweyali asoma Ddipulooma mu mateeka ku Law Development Centre mu Kampala. Tumwiine agamba nti yamusaasanyizaako obukadde 9 mu emitwalo 40 mukumuweerera.
Wabula nti Kyarikuba bweyamala okusoma yefuula ku ndagaano eyakolebwa eyokufumbirwa Tumwiine nga agamba nti ono yali mukulu nnyo ku myaka 60 nga yali wakumuwa obuzibu so nga ye Kyarikunda atemera mu myaka nga 30. Bano baali bateeseteese okwanjula okwali okwokubaawo mu February 2022.
