Omubaka wa Palamenti ow’Eggwanga lya Ghanan Isaac Adongo eyavaayo nageraageranya Minisita ku muzibizi wa Manchester United Harry Maguire eyali asamba obubi omwaka oguwedde yavuddeyo namwetondera era namuwaana olw’ensamba ennungi gyayolesa kati.
Maguire akirizza okwetonda kwe nategeeza nti amwesunga okumulabako ku Old Trafford.

Omutendesi wa ttiimu y’eggwanga ey’omupiira ogw’ebigere eya Uganda Cranes Paul Joseph Put ayanjuddwa olunaku olwaleero ku kitebe ky’ekibiina ekitwala omupiira mu Ggwanga ekya Federation of Uganda Football Associations (FUFA) ku FUFA House. Ono ayaniriziddwa avunaanyizibwa ku by’amawulire mu FUFA Ahmed Hussein.

Omuzannyi wa ttiimu ya Newcastle munnansi wa Italy, Sandro Tonali akaligiddwa emyezi 10 nga teyeetaba mu muzannyo gwa mupiira oluvannyuma lw’okusingisibwa omusango gw’okusiba akapapula. Tonali yakwatibwa wiiki ewedde bweyali agenze okwegatta ku ggwanga lye nga bagenda okuzannya emipiira gy’okusunsulamu abaneetaba mu mpaka z’ekikopo ky’amawanga ga Bulaaya omwaka oguggya.

Omubeezi wa Minisita avunaanyizibwa ku by’emizannyo Peter Ogwang MP avuddeyo nategeeza nti Uganda erina okutuukiriza obukwakulizzo 6 nga tenakirizibwa kutegeka mpaka za AFCON 2027 nga buno kuliko n’okusasula obukadde bwa ddoola 30 bwebuwumbi 112 ebisale byokutegeka eri Confederation of African Football (CAF) ng’omwezi gwa February 2025 tegunatuuka.

Pulezidenti Yoweri Kaguta Museveni; “Nyaniriza ekiteeso kya Summa, Kkampuni ya Turkey enzimbi ekyokuzimba ‘multipurpose indoor sports complex’ e Lugogo mu Kampala. Gavumenti egenda kubawa obuyambi bwonna bwebetaaga kuba yetaaga eby’emizzanyo okukulaakulana.”