Abasirikale ba UPDF abasimatuse obulumbaganyi e Somalia batwaliddwa mu malwiro

SRCC ne Head of the African Union Transmission Mission (ATMIS) Ambassador Mohamed El-Amine Souef, wamu nakola nga Ambassador Uganda e Somalia, Maj. Gen. (Rtd.) Nathan Mugisha, ne ATMIS Force Commander, Lt. Gen. Sam Okiding bakyalidde ku basirikale abali mu kufuna obujanjabi oluvannyuma lwokulumba olwakoleddwa ku nkambi ya Buulo Mareer Forward Operating Base (FOB) mu Lower Shabelle Region.
Ambassador Souef agamba nti bano bagenda batereera era bavumu, ono era asaasidde nnyo abeŋŋanda zaabo abafiiriddwa abantu baabwe mu bulumbaganyi buno.
Commanding Officer wa Level II Hospital, Lt. Col. Dr. Godfrey Ssemakula Ngobya ategeezezza abakungu bano nti ababadde obubi batikiddwa ku nnyonyi nebatwalibwa mu malwaliro agali ebweru wa Somalia.
Akola nga Ambassador wa Uganda e Somalia, Maj. Gen. (Rtd) Nathan Mugisha, agamba nti eggye lya Uganda likyalina obuvumu era betegefu okutuukiriza ekiruubirirwa kya ATMIS wadde nga balumbiddwa.