Abantu abakunuukiriza eyo mu bikumi bibiri baakomekkereza nga ennaku z’amazuukira ga Yesu Krisitu bagaliiridde mu buduukulu bwa Police mu Kampala n’emiriraano olw’okwenyigira mu bumenyi bw’amateeka obwenjawulo.
Aduumira Police mu Kampala n’emiriraano, Frank Mwesigwa akakasizza bino era n’ategeeza nti abamu ku baakwatiddwa baabadde beekatankidde omwenge ate nga bwebavuga, ate abalala okusala ensawo , okunyakula amasimu n’obusawo n’ebirala bingi.
Abaakwatiddwa baggyiddwa mu bifo omuli Lubaga, Nsambya, Mbuya , Kansanga awamu ne Kampala mukadde .
Mwesigwa agamba nti abantu bano bagenda kusimbibwa mu mbuga z’amateeka enkya bavunaanibwe.
Leave a Reply
You must be logged in to post a comment.