Abakosebwa e Katakwi Pulezidenti abazimbidde ennyumba

Omumyuuka w’omukulembeze w’eggwanga Rtd. Maj. Jessica Rose Epel Alupo, aka Jessica Alupo avuddeyo nategeeza; “Nakiikiridde Pulezidenti Yoweri Kaguta okukwasa abantu ennyumba 4 abakosebwa effujjo eryakolebwa mu kulonda e Katakwi mu 2021. Nasiimye nnyo abantu bano olwokubeera abakakkamu oluvannyuma lwebyo byonna ebyaliwo, era nebaza Pulezidenti olwokubazimbira ennyumba.”

Bebazimbidde amayumba kuliko aba Famire ya; omugenzi Mark Elobat okuva mu Palam Sub-county mu Ngariam County, omugenzi Teresa Akiror okuva ku kyalo Apule mu Kapujan, Lucy Apenyo ne Charles Otyang nga balumizibwa byansusso bwebakubwa amasasi mu kifo awolonderwa.