Ababaka ba Palamenti boolekedde Rwanda mu mizannyo

Enkya ya leero Sipiika wa Palamenti, Anitah Among asimbudde Ababaka ba Palamenti abagenze e Rwanda okwetaba mu mizannyo gy’Ababaka ba Palamenti ab’Amawanga agali mu Buvanjuba bwa Africa.

Bw’abadde abasimbula, abeebazizza okwewaayo ne beetaba mu mizannyo gino era n’abasaba okukuuma ekifaananyi kya Uganda ate banyweze n’omwoyo gw’obumu oguli mu Mawanga g’Obuvanjuba bwa Africa.