Omukubiriza w’olukiiko olukulu olw’eggwanga Rt. Hon. Rebecca Alitwala Kadaga avuddeyo nategeeza nti Olukiiko olukulu olw’eggwanga terugenda kutiisibwatiisibwa muntu yenna nga bwelunaaba luwa endowooza yalwo ku Alipoota y’akakiiko ka COSASE ku Bbanka z’obusuubuzi omusanvu ezaggalwa. Ono agamba nti Palamenti yakukola emirimu gyayo nga bwegirambikiddwa mu ssemateeka w’eggwanga.
Ono yabadde ayanukula omukwanaganya w’ekibiina kya Central Bank Director Financial Markets Development Coordination, Benedict Sekabira, wamu ne Bannamateeka ba Kirkland Associates nga bano bebamu kuboogerwako mu Alipoota nti badibaga emirimu wamu n’okukola ensobi.
Credit: Parliament of Uganda