Ssekiboobo omuggya atuuziddwa
Omwami w’Essaza Kyaggwe omuggya Ssekiboobo Elijah Bogere atuuziddwa mu butongole ku bukulu buno ku mukolo ogubadde ku mbuga y’essaza mu ggulu e Mukono mu Kyaggwe.
Minisita w’obuwangwa ennono n’obulambuzi era avunaanyizibwa ku mbiri, Owek David Kyewalabye Male kulwa Katikkiro yakoze omukolo gw’okumutuuza.
Ssekiboobo atuuziddwa wamu n’abamyukabe David Matovu ne Richard Luswata.
Minisita omubeezi owa Gavumenti ez’ebitundu Owek Joseph Kawuki yakulembeddemu omukolo gw’okutuuza.
