Ssaabawolereza ayagala ogwa Sejusa gugobwe
Ssaabawolereza wa Gavumenti asabye kkooti enkulu mu Kampala egobe omusango gwa Sejusa mwasinziirira okusaba aliyirirwe akawumbi olwokulinnyirira eddembe lye kubanga yakuteekayo kikeerezi .
Omuwaabi wa Gavumenti George Kalemeera agambye omulamuzi awulira omusango guno Margret Oguli nti Sejusa yalina okuteekayo okusaaba kwe mu kooti mu nnaku 90 ezessalira nga olukiiko olusuumusa amadaala lulemeddwa okusalawo oba akkirizibwa okunnyuka emirimu gy’amagye g’eggwanga oba nedda .
Kalemeera ayongerako nti yali nsobi nnene Sejusa okussaayo okusaba kuno nga wayiseewo emyezi mukaaga nga talina na lukusa olumukkiriza okusaayo okusaba kuno ekikeerezi .
N’olwekyo wano Kalemeera waasinziira okusaba omulamuzi Oguli agobe omusango gwa Sejusa .
