Ssaabapoliisi ayimirizza 3 ku bakulu mu Police

Ssaabapoliisi General Kale Kayihura  ayimirizza basatu ku ba Police abakulu mu Busoga  omuli ne A.S.P Sam Omala .

Aduumira Police mu ggwana General Kale Kayihura awummuza aba Police basatu abali mu bifo ebya waggulu mu bitundu bya Busoga nga mw’otwalidde ne A.S.P Sam Omala lwakuteeberezebwa kwenyigira mu mivuyo egyali mu kulonda okwaliyo nga  18.02.2016 .

Sam Omala abadde akulira ebikwekweto mu bukiika kkono bwa Busoga , Ashraf Chemonges aduumira Police mu bitundu bya Busoga ne Bashir Ssempala abadde DPC wa Namutumba .

Ate mu balala abawummuziddwa IP Henry Mugoda, OC w’ekitebe kya Police mu gombolola ye Kibale wamu n’omumyukawe Kevin Akite . Bano bonna bayimiriziddwa basobole okunoonyerezebwako mu mivuyo egyali mu kulonda mu Disitulikiti ye Namutumba ne Tororo .

Polly Namaye , amyuka omwogezi wa Police akakasizza bino .

Kinnajjukirwa nti omwezi oguyise General Kayihura yeetondera abantu mu bitundi bye Bukono mu Disitulikiti ye Namutumba olw’emivuyo egyetobeka mu kamyufu . Yawalirizibwa okwetonda oluvannyuma lw’abatuuze okwemulugunya ku Afande Chemonges olw’okuba ne kyekubiira .

Wano abatuuze beemulugunya ku Chemonges olw’okulaga obuwagizi bwe mu lwatu eri Micheal Saire eyali avuganya Persis Namuganza eyalondebwa ku bubaka bwa Palamenti obwa Bukona County .