Pulezidenti Museveni atongozza ekifo webatendekera eggye lyo ku mazzi e Ntokolo

Pulezidenti Yoweri Kaguta Museveni olunaku lw’eggulo yatongozza Ntokolo Marine Pier eyazimbiddwa UPDF Engineers Brigade. Yebazizza Marine Brigadde olwokuzimba eggye lyokumazzi eryatandika nga ttono naye nga kati likuze nga kino kyeyolekera ku bifo awatendekerwa ebyakazimbibwa okuli Butyaba, Entebe ne Ntokolo. Pulezidenti yategeezezza nti eggye lyo ku mazzi lya mugaso nnyo mu kukuuma eggwanga ku mazzi kuba ebitundu 20 ku 100 ebya Uganda mazzi era nga ensalo zaayo n’amawanga okuli; Tanzania, Kenya, ne Congo ezimu ziri ku nnyanja nga Albert, Edward ne Vitoria nga kino kireetawo okusoomoza okwamaanyi mu byokwerinda.