Poliisi ekutte ababba obutaala bw’emotoka mu Kampala

Uganda Police Force ku CPS mu Kampala olunaku lweggulo yayanukudde okwemulugunya kw’abantu ku Social Media ku bubbi bw’ebintu ku motoka wakati mu Kampala. Poliisi yakoze ekikwekweto mweyakwatidde abagambibwa okwenyigira mu kubba side mirror z’emotoka n’ebintu ebirala ku motoka.

Waliwo abakwatiddwa lubona nga babba ebintu ku motoka ezitambula wamu neezo eziteereddwa mu Parking ezateekebwawo Kampala Capital City Authority – KCCA era bano kuliko; Muhammed Ramathan, Kabalega Deus, Emron Lawrence ne Kazungu Enoch.

Poliisi yasobodde okzuula ebintu ebiwerako ebyabbibwa ku motoka okuva mu bantu bano abakwatiddwa. Bano bwebakunyiziddwa bano batutte Poliisi ewa Kisekka ku maduuka agatunda ebintu ebyo ebbibwa. Poliisi yayongedde okukwata abantu abalala okuli; Mugabi Shakur, Lukwago Abdulkarim, Kabambwe Mark, Nyanzi Fred ne Wandera Fred.

Bano bonna bakuumirwa ku CPS mu Kampala nga bwebalindirira okutwalibwa mu Kkooti okuvunaanibwa.