POLIISI EKUTTE 58 ABAGAMBIBWA NTI BENYIGIRA MU BUBBI
Omumyuuka w’omwogezi wa Uganda Police Force owa Kampala Metropolitan Police ASP Luke Owoyesigyire avuddeyo; “Oluvannyuma lw’abatuuze b’e Kisangani ekisangibwa mu Masajja A Zone Masajja Parish, Masajja Division okwekubira enduulu olw’ababbi ababasuza tebebase n’ebitundu ebirala ebya Kampala, Poliisi y’e Katwe olunaku lweggulo yakoze ekikwekweto mweyakwatidde abantu 58 abagambibwa okuba nga babadde benyigira mu bubbi nga balumba ennyumba ezipangisibwa mu Salaama, Masajja, Mutundwe ne Bunamwaya.
Mu kikwekweto ekyakoleddwa Poliisi yazudde ebiragalalagala, amajambira, ebyuuma ebikozesebwa okumenya amayumba ne gloves zebakosesa okubikka ebinkumu.”
