Omusirikale wa UPDF asimatusse okuttibwa empologoma
Ekitongole ekivunaanyizibwa ku bitonde ebyomunsiko mu Ggwanga ekya Uganda Wildlife Authority kivuddeyo nekitengeeza nga bwewabadde empologoma eyatolose mu kkuumiro ly’ebisolo erya Kibale National Park netandika okutigomya abantu ngebaliira ebisolo ssaako n’okulumya abamu.
Bwebatemeza ku kitongole, kyasindise abasajja baakyo abegatiddwako Uganda Police Force nekigendererwa kyokugikwata bagitwale awakuumirwa ebisolo wabula basanze abantu besaze akajegere nga batandise okugiyigga. Babasabye babaleke bakole omulimu gwabwe nga buteerere era okulekaana kw’abantu kwayongedde okugitabula.
Begatiddwa abasirikale b’eggye lya UPDF nga baduumirwa Lt. Col. Lubega James ku kyalo Rwabaragi mu Disitulikiti y’e Kagadi.
Omusirikale wa UPDF Cpl Amodoi Moses yalabye empologoma eno nagezaako okugikuba essasi wabula nemubuukira nemutaagulataagula, omusirikale omulala weyagikubidde essasi nagitta. Abatuuze bagiyikidde nebagisala nebagabana ennyama era aba UWA basobodde kutwala mutwe naddiba.
