Omulamuzi Nnyanzi agobye okusaba kw’omuwaabi wa Gavumenti

Omulamuzi wa Kkooti enkulu mu Kampala Yasin Nnyanzi yagobye okusaba kw’omuwaabi wa Gavumenti Mike Chibita mweyasabira omulamuzi Nnyanzi addemu yetegereze ekiragiro kyeyawa eky’okuddamu okuvunaana Baker Walusimbi eyali avunaanibwa ogw’obutemu. Kinajjukirwa nti Walusimbi yakwatibwa navunaanibwa omusango gw’okutta abayizi ba Yunivasite 3 mu 2006.
Nga 17 October 2018, Omulamuzi Justice Nnyanzi yata Walusimbi ku kakalu ka Kkooti era nalagira addemu avunaanibwa buto oluvannyuma lw’okumala emyaka 13 ku alimanda mu kkomera e Luzira olwokuba kkooti yalemererwa okuwa ensala yaayo oluvannyuma lwa ba Court Accessors mu musango ggwe babiri okubula okuva omusango lwegwasalwa mu 2006.