Mwewale okukozesa obubi obuyinza – Namuganza

Minisita omubeezi ow’eby’ettaka Persis Namuganza alabudde abantu bonna abalina obuyinza ku lwa gavumenti okwewala okubukozesa obubi mu ngeri eteeka obulamu bw’abantu mu matigga mu kifo ky’obuyinza okukubukozesa obulungi nga baweereza bannayuganda. Muno Namuganza anokoddeyo ab’eby’okwerinda omuli abapoliisi nga ba DPC, RPC, ba RDC, abalamuzi n’abalala. Agamba nti omukulembeze abo tajja kulemererwa kubawummuza bw’atyo n’abasaba okweddako.
Namuganza abadde ku ttaka e Kirangira mu disitulikiti y’e Mukono ng’eno omugagga Dick Banoba gy’agambibwa okusenda n’agoba ku ttaka abantu abasoba mu 300.