Munnamateeka Nicholas Opiyo asindikiddwa ku alimanda

Munnamateeka era omulwanirizi w’eddembe Nicholas Opiyo n’abalala 4 basimbiddwa mu maaso g’Omulamuzi wa kkooti y’e Nakawa navunaanibwa omusango gwa ‘Money Laundering’. Kkooti egamba nti nga 8-October-2020, nga akozesa ettabi lya Bbanka ya ABSA erya Garden City yafuna ssente emitwalo gya Ddoola 34 nga ziyita ku akawunti nnamba 6004078045 eri mu mannya ga Chapter Four Uganda, ng’akimanyi bulungi nti ensimbi zino zaava mu bikolwa ebimenya amateeka. Asindikiddwa ku alimanda ne fayiro ye nesindikibwa mu Kkooti evunaana abali b’enguzi n’abakenuzi.