Omubeezi wa Minisita avunaanyizibwa ku nsonga z’omumyuuka w’omukulembeze w’eggwanga Dr Baltazar Kasirivu-Atwooki, enkay yaleero asimattuse okuttibwa abatamanyangamba ababadde babagalidde emiggemerawala abasindiridde emotoka ye amasasi.
Dr Kasirivu nga ye mubaka wa Bugangaizi West mu Palamenti agamba nti ku ssaawa nga musanvu ogw’enkya yaleero ku kyalo Kakora village, Nyalweyo Town Council mu Disitulikiti y’e Kakumiro kiromita ntono ddala nga anatera okutuuka ewuwe bwabadde ava ku leediyo ya Emambya FM mu ttawuni y’e Kakumiro abantu abatanategeerekeka basindiridde emotoka ye amasasi agasoba mu munaana. Ye Ddereeva we basobodde okusimattuka oluvannyuma lwa ddeereva we okwongeza sipiidi.
Omukuumi we era nga yabadde avuga mukaseera kano agamba nti balumbiddwa abasajja ababadde n’emmundu nga babiri bakubye amasasi okuva ku njuyi zombi.