Kkooti eragidde muwala wa Katanga akwatibwe

Ab’oluganda lwomusuubizi Henry Katanga bawaliriziddwa okwoza ku mmunnye mu Kkooti y’Omulamuzi Erias Kakooza e Nakawa, Bannamateeka ba nnamwandu Molly Katanga bwebategeezezza Kkooti nti omuntu waabwe tasobodde kujja mu Kkooti kuba teyewulira bulungi.

Bannamateeka bategeezezza Kkooti nti Molly yalongooseddwa omulundi ogwokutaano nabwekityo nga tasobola kuyimirira mu kaguli nga Kkooti bweyali eragidde alabikeko gyeri.

Abateeberezebwa okwenyigira mu butemu bwa Katanga 3 balabiseeko mu Kkooti olwaleero era oludda oluwaabi nerutegeeza nti lwamalirizza okukola okunoonyereza era nerusaba Kkooti eyise ekiwandiiko ekikwata Molly Katanga ne muwala we Martha Nkwanzi Katanga abatanalabikako mu Kkooti yadde nga bakayisa ebiragiro 2 ku bbo.

Omulamuzi alagidde Martha Nkwanzi Katanga akwatibwe ku misango okuli okwonoona obujulizi.