Kitalo! Omukuumi asse omuntu lwakulubula motoka
Kitalo!
Nannyini bbaala ya Hickory Bar and Restaurant esangibwa e Kololo Arnold Mugisha akubiddwa amasasi agamutiddewo enkya yaleero ku Quality Shopping Village e Naalya. Mugisha atiddwa omukuumi okuva mu kkampuni ya Saracen nga amulanga okukulubula emotoka nakaggaali k’ebintu aka Super Market ate nagenda bugenzi.
Kigambibwa nti Mugisha nga ali ne munne bawanyisiganyizza ebigambo n’omukuumi nga abanenya okukulubula emotoka ebadde mu Parking.
Omukuumi oluvannyuma lw’okutta Mugisha agezezaako okudduka wabula abantu nebamukwata nebatandika okumukuba naye nebamutta. Emirambo gyombi gitwaliddwa e Mulago. Abamu ku babaddewo bagamba nti Mugisha abadde ava mu Gym ne muganda we nebagenda mu Super Market okugula ebintu.
