IRCU enenyezza Poliisi olwokukwata Bobi Wine ne Amuriat
Bannaddiini abegattira mu Kakiiko akataba enzikiriza ez’enjawulo mu Yuganda aka Inter-Religious Council of Uganda(IRCU) bavuddeyo nebasaba Gavumenti okuyimbula Kyagulanyi Ssentamu Robert aka Bobi Winen’abalala abakwatiddwa. Bano era bavumiridde ebikolwa eby’okutulugunya abantu ebyakoleddwa ebitongole by’ebyokwerinda.
Akulira akakiiko kano Mufti Sheikh Shaban Ramathan Mubajje agambye nti Bobi Wine ne Patrick Oboi Amuriatbwebaba nga bazizza omusango gwonna batwalibwe mu kkooti ebavunaane.
Basabye Akakiiko k’ebyokulonda wamu n’ebitongole by’ebyokwerinda okussa ekitiibwa mu ddembe ly’obuntu nga bwebirambikibwa mu Ssemateeka w’eggwanga.
Bagamba nti Uganda Police Forcenayo yamenye ebiragiro (SOPs) ebya COVID-19 ebiri mu kawayiro aka 21(3) akagamba nti Poliisi ejja kulumirirwa eggwanga, bajja kukozesa obukugu n’ebirala.
Bakubirizza abasirikale okugoberera Ssemateeka wa Yuganda nga bakola emirimu gyabwe era bakozese obwenkanya nga balamula Bannayuganda nga tebafuddeyo ku kibiina kye bawagira.
