Mmeeya Divizoni y’e Kawempe, Emmanuel Sserunjogi asabye amakampuni agali mu Divizoni ye galeme kukuuliita na magoba gonna gegakoze wabula gagezeeko okujjukiranga okuddiza ku kitundu mwegakolera enkulaakulana esobole okutinta.
Sserunjogi agamba nti amakampuni njolo agali mu kitundu kino, agamu nga gasaasaanidde amawanga mangi agenjawulo ate amalala nga gakoma wano wokka mu Kawempe, wabula matono ku ago agaddiza ekitundu kino.
Bw’abadde ayogerako eri abantu ababadde ku kabaga k’abaana akabadde mu kisaawe e Kanyanya ekiri ku njegooyego za Kampala, Sserunjogi agambye nti abantu bano abali mu bbizinensi tebafaayo kuddako eri abantu ate nga beebayimirizaawo bizinensi zaabwe.