Essomero lyonna erinasangibwa lisasuza abazadde okukebera abaana covid lwakubonerezebwa – Hajji Ismael Mulindwa

Hajji Ismael Mulindwa, Director wa Basic Education mu Minisitule y’ebyenjigiriza, avuddeyo nategeeza nti kyabulalu amasomero okuvaayo negalagira abazadde okusasula ssente zokukebera abaana COVID-19. Ono agamba nti essomero lyonna erinalemerako okusasuza abazadde ssente zino gakubonerezebwa.

Amasomero agasinga mu Kampala n’emiriraano gabadde galagidde abazadde okukebeza abayizi batwale PCR test results ezitasukka ssaawa 72 ku lunaku lwokudda ku masomero. Abalala balagidde abazadde okusasula ssente zino nti abayizi bakukeberebwa ku masomero.

Mulindwa agamba nti amasomero kino gakikola kwongera bazadde buzibu kuba bakyanoonya ssente zakuzza baana ku ssomero. Ayongeddeko nti bakoze okunoonyereza nebakizuula nti amasomero mangi gakifudde kyabuwaze ate nga basaba ssente ezisinga kwezo ezisasulwa kati. Ayongeddeko nti abalala bawadde laboratories ezobwannanyini ezitalina lukusa kukola PCR.