Ebyokulonda temubitwala nga mulimu – Museveni

Pulezidenti Yoweri Kaguta Museveni alabudde ababaka mu Palamenti ab’ekibiina kya NRM obutakozesa byakulonda nga engeri y’okufuna emirimu.

Museveni bino abituuseeko bwabadde mu lukiiko n’ababaka b’akabondo ka NRM e Ntebe nga balondamu ababaka abanaakwatitira NRM bendera mu kalulu k’ababaka abakiika mu Palamenti y’amawanga g’obuvanjuba.( EALA).

Omukulembeze w’eggwanga eyongedde okutegeeza ababaka nti omukago gw’amawanga g’obuvanjuba teguli ku byanfuna byokka, wabula enkolagana ey’omuggundo mu byensuubulagana ne n’ebyobufuzi so so nga bwolaba omukago ogwa COMESA.

Kyokka olumalirizza okwogera ebigambo ebyo n’asaba ab’amawulire babawe ekyanya nga bava mu kizimbe ababaka mwebabadde olw’ensonga nti babaddeko ensonga zebagenda okwogerako nga za kyama.

Wano ababaka bagenda kulondako abantu mukaaga ku 43 abaggyayo empapula z’okwesimbawo.