Brig. Keith Katungi kati yaduumira ekibinja kya UPDF ekiri e Somalia
Brigadier Keith Katungi yakwasiddwa mu butongole offiisi y’omuduumizi w’ekibinja kya Uganda Contingent Commander (CONTICO) mu Somalia wansi wa African Union Mission in Somalia (AMISOM). Ono yazze mu bigere bya Maj Gen Don Nabasa eyakwata offiisi eno mu Nov 2020.
Omukolo gwabadde ku Base Camp Mogadishu era nga gwakulembeddwamu UPDF Deputy Commander Land Forces (D/CLF) Maj Gen Sam Okiding.
D/CLF yasibiridde Brig. Keith entanda nga agisimbuliza mu Bayimbuli mu Kitago ky’Engero 3:6; “Mwatulenga mu makubo go gonna, kale analuŋŋamyanga olugendo lwo” Ono era yamukubirizza okubeera omuvumu naddala mukukola okusalawo ku nsonga ez’amaanyi.
Maj Gen Don Nabasa yebazizza nnyo ttiimu gyabadde akulembera era nategeeza nti obuwanguzi ku Al-Shabab buzze lwakuba babadde bakolera wamu ng’eggye, Bannansi ba Somalia wamu n’amaggye g’ensi endala.
Abalala ababaddewo ye Ugandan Defence Attachment e Somalia Maj Gen Lucky Kidega, D/CONTICO Col David Obeera, Contingent Asset Commanders, Battle Group Commanders, Senior Officers, Junior Officers aba Ugandan Contingent.
