Bobi Wine tumutambuza bulungi – SSP Emilian Kayima
Poliisi eveddeyo nekiwandiiko ku ky’Omubaka Kyagulanyi;
Leero olw’okuna nga 20 – Sept – 2018, Hon. Robert Kyagulanyi Ssentamu akomyewo mu ggwanga era nawerekerwa Poliisi mu mirembe okutuuka mu makaage e Magere mu Wakiso. Tumwebaza olw’okukiriza nakulaganira wamu ne Poliisi ku kisaawe ky’ennyonyi Entebe nemuwa obukuumi, entambula wamu n’emotoka emugulidde ekubo okutuuka ewuwe.
Twebaza Bannayuganda abakirizza nebagoberera ebiragiro ebyateekeddwawo olunaku lw’eggulo.
Ekirala, abo abagamba nti waliwo Bannamawulire abakwatiddwa si kituufu. Abamu ku bbo babuuziddwa ku bikwatagana n’ebiragiro ebyateereddwawo era bonna bateereddwa era bakola mirimu gyaabwe mu mateeka.
Tubasaba mwenna musigale nga muli bakkakamu, era netusaba ne Hon. Kyagulanyi okugoberera amateeka ga Uganda wamu n’obukwakulizo obwamuweebwa nga bamuwa bail ya Kkooti.
SSP Emilian Kayima
PRO
Sept. 20th, 2018
