Besigye akalambira nti yeeyawangula obwa Pulezidenti

Col. Dr. Kiiza Besigye akalambira nti yeeyawangula obwa Pulezidenti mu kalulu ka 2016 akaggwa.

Agamba nti ekya Gavumenti okulemererwa okugenda mu maaso n’emisango egyamuggulwako egy’okulya mu nsi olukwe olw’okwerangirira ng’omukulembeze w’eggwanga, kyelaga lwatu nti Pulezidenti Museveni yawangulwa era n’entebe agiriko mu bukyamu.

Dr. Besigye bino abitegeezezza ab’amawulire ku kkooti enkulu gyabadde agenze okweyanjula ng’obumu ku bukwakkulizo obwamussibwako nga akkirizibwa okweyimirirwa..

“Museveni ali mu Woofiisi kubanga yagiwamba na mmundu” Besigye.

Besigye agamba nti omukago gw’amawanga g’Afirika gwandivuddeyo neguyingira mu nsonga eno nga bweguvuddeyo ku by a Yahya Jammeh owa Gambia