Akakiiko akanoonyereza ku mivuyo gy’ettaka kayimiriza okusasula obuwumbi 11

Akakiiko k’omulamuzi Catherine Bamugemereire akateekebwawo okunoonyereza ku mivuyo gy’ettaka mu ggwanga kavuddeyo nekayimiriza okusasula obuwumbi 11 nga zibadde zakuliyirira bananyini ttaka awagenda okuzimbibwa ebbibiro lya masanyalaze eya Isimba Hydro-Power mu District ye Kayunga.

Ssentebe w’akakiiko akalabirira emirimu gy’okuzimba amabibiro ga Karuma ne Isimba Eng. Badru Kiggundu yavuddeyo neyemulugunya nti abantu abagamba nti babanja basasulwa dda Gavumenti wabula nebasaba ssente endala obuwumbi 600 bubawebwe olw’amayinja agali mu bifo bino.

Omulamuzi Bamugemereire yawandiikidde Omuwandiisi omukulu mu Minisitule y’ebyensimbi nga amulagira obutasasula ssente ezo olw’ensonga ezirina okumalirizibwa.