Bamenye emotoka y’emigugu etambula nebabbamu ebyamaguzi
Uganda Police Force mu Disitulikiti y’e Arua etandise omuyiggo gwababbi abamenye emotoka y’emigugu nga etambula eya kkampuni ya California Bus Services nebakuulira n’ebyamaguzi ebibalirirwamu obukadde 20.
Kigambibwa nti ababbi bamenye emotoka ekika kya Fuso nnamba UAJ 797M nga bagisanze erinnyalinnya akasozi k’e Enzeva mu Arivu sub county mu Disitulikiti y’e Arua ku luguudo lwa Arua Nebbi-road ng’ebintu yabadde ebitwala mu Arua.
Kigambibwa nti ddereeva wa Fuso eno, Mohamad Zuli yabadde yekka mu motoka ababbi webagimenyedde nga yabadde alinyalinya akasozi aka kiromita 2.
Kigambibwa nti ababbi bagenze basuula ebyamaguzi nga banaabwe bwebabilonda. Bino byabadde byabasuubuzi be; Kuluva, Odianyadri ne Euata trading centers.
Josephine Angucia, omwogezi wa Poliisi mu ttundutundu lya West Nile Dr Alex Alidria yalonze ebimu ku byamaguzi bino nabitwala ku Arua Central police station.
