Abantu mugira mulindako okugenda e Rwanda – Gavumenti
Minisita David Bahati avuddeyo nategeeza nga Gavumenti ya Uganda bwesabye Bannayuganda okugira nga balindako okugenda mu ggwanga lya Rwanda nga bakozesa ensalo y’e Gatuna kuba mu kugiggulawo babadde bengenderedde kusooka kukiriza mmotoka ezitambuza eby’amaguzi (loole) okusooka okuyingira.
Bwabadde ayanukula Nampala w’oludda oluwabula Munnakibiina kya National Unity Platform – NUP Hon. John Baptist Nambeshe, Hon. Bahati ategeezezza Palementi nti Pulezidenti Yoweri Kaguta Museveni yabategeezezza nti ensala ekyaguddwawo eri loole ezitambuza eby’amaguzi ngabantu bajja kuba baluvannyuma.
