Buli Mubaka alina okubaawo akube akalulu atulage oba awagira ebisiyaga oba nedda – Sipiika
Sipiika wa Palamenti Anitah Among aweerezza ebbago ly’ebisiyaga eryaleeteddwa Hon. Asuman Basalirwa erya Anti-homosexuality bill eri Akakiiko ka Palamenti. Sipiika agamba nti abantu bonna bakuweebwa omukisa okuwaayo ebirowooza okuli ababirya wamu ne Bannaddiini. Ono agamba nti bakuwulirwa yadde nga basiwuuka empisa.
Ono era agumizza Ababaka obutatya kwogera ludda ki lwebaliko nga balowooza nti bannamimwa visa. Sipiika agamba nti kano kekaseera Ababaka baveeyo balage ababalonda wa gyebaggwa oba nga basiyazi oba nedda.
