Abakungu okuva mu Minisitule ekola ku by’obugagga obw’omuttaka mu Gavumenti ya wakati

Abakungu okuva mu Minisitule ekola ku by’obugagga obw’omuttaka mu Gavumenti ya wakati, basisinkanye abakungu ba Kabaka nga baagala engeri gyabyinza okukwatagana n’obwakabaka nga bazimba omudumu gwamafuta ogunaava e Hoima okudda e Tanzania n’okuva e Hoima okuleeta amafuta e Kiringente mu Mpigi.

Bwabadde ayogerako gyebali, Omumyuka wa Katikkiro ow’Okubiri era Minisita w’ebyensimbi n’okuteekerateekera Obwakabaka, Owek Robert Waggwa Nsibirwa agambye nti Obwakabaka bubasabye balage engeri gyebanaakwatamu Obuwangwa n’ennono , obutondebwensi , emiziro gy’Abaganda, ate era n’’okulaba nga ennyumba z’abantu tezonoonebwa nga basima omudumu guno.

Abakungu bakulembeddwamu Engineer Herbert Magyezi Mugizi.

Ensisinkano ebadde ku Bulange era yetabiddwamu Minisita w’Obuwanga, Ennono n’Obulambuzi Owek David Kyewalabye Male, Minisita w’ettaka, obulimi n’obutondebwensi Owek Hajjat Mariam Mayanja Nkalubo, Ssentebe wa Boodi ya Buganda Land Board Owek Martin Sseremba Kasekende, n’abakungu abalala.