Abadde asindira omukwano mu nsiko agudde mu kabuyonjo

Omuwala atolose awaka n’agenda ku kyalo ekibaliraanye okulaba ku muganzi we. Eno omukwano gye gwabalinnyidde ne beesogga akasiko okwesanyusaamu. Wakati mu kunyumirwa ng’eno omuwala bwagabira muninkini we ebyalo, awulidde enswagiro ne bamanya nti bawedde. Baabunye emiwabo era buli omu yakutte lirye okukakkana ng’omuwala agudde mu kaabuyonjo.
Bino byabadde ku kyalo Kalagala mu ggombolola ye Bukabooli mu Disitulikiti
y’e Mayuge. Shamim Nyumbahe muwala wa Jamil Nyumbahe omutuuze ku kyalo kino ye yagudde mu kaabuyonjo. Yabadde agenze ku kyalo Kitovu mu ggombolola y’e Bukabooli okwesanyusamu ne muganzi we. Wabula mutuuze munnaabwe ategeerekeseeko
erya Jackson ye yataasizza Nyumbahe
gwe yaguddeko ng’alaajanira mu kaabuyonjo.