URA ekutte Bannansi ba Somalia 3 ne ssente
Ekitongole ekivunaanyizibwa ku kusolooza omusolo mu Ggwanga ekya Uganda Revenue Authority (URA) kikutte Bannansi ba Somalia 3 oluvannyuma lwokulemererwa okunnyonyola ku bisawo bya ssente byebabadde batambuza. Bano bakwatiddwa ku nsalo ya Oraba bwebaabadde bagezaako okusala okuva e South Sudan okwesogga Uganda.
Hassan Hussein asangiddwa n’ensimbi – UGX 70,162,000/=, Guhad Ismael asangiddwa ne (UGX 43,000,000) ate Abdirahman Farah abadde alina (UGX 9,104,000), (USD 196) ne (SSP 23,040) nga tebasoose kutegeeza kitongole kya URA ng’etteeka bwerilambika.
