Tusaana okukolera awamu fenna okulwanyisa ssiriimu – Ssaabasajja Kabaka

Ssaabasajja Kabaka wa Buganda Ronald Muwenda Mutebi 11 asabye abaami bonna okuba abeegendereza naddala mu nsonga z’obufumbo okwewala ekirwadde kya mukenenya ekikudde ejjembe ensangi zino. 

Ssaabasajja okwogera bino abadde ku  mukolo gw’amatikkira ag’emyaka 24 ng’ali ku Namulondo era nga emikolo gibumbujjidde ku kitebe ky’essaza ly’e Buweekula e Kaweeri mu Disitulikiti y’e Mubende. 

“Nga tujaguza Amatikkira, twagala okujjukiza abasajja n’abalenzi mu Buganda obukulu obw’okukuuma n’okutaasa ensi yaffe okuva mu matigga mweri olw’ensonga z’obulwadde. Tusaana okukolera awamu fenna okulwanyisa ssiriimu mu Buganda ne Yuganda okutwalira awamu “. Ssaabasajja Kabaka .