Kiraabu Gor Mahia FC yakansizza abasambi okuva mu Yuganda okuli; Partrick Kaddu okuva mu Kitara F.C Hoima ne Shafiq Kagimu okuva mu URA Football Club. Bano bombi basambye olunaku lw’eggulo Kaddu nabateebera ggoolo 3 mu kitundu ekyokubiri Gor Mahia bweyabadde esamba ne Vihiga United.
Omukulembeze w’ekibiina ekifuga omupiira ogw’ebigere mu Ggwanga ekya Federation of Uganda Football Associations (FUFA) Eng. Moses Magogo avuddeyo nalangirira enkyuukakyuuka ezikoleddwa ku ttiimu z’eggwanga ezomupiira; “Ebifo byonna ku Ttiimu z’eggwanga 10 bisigadde bikalu okuleka ku ttiimu ya Uganda Cranes. Okwekeneenya kwakulobwa ku bali mu bifo ku ttiimu ya Uganda Cranes nga bamaze okusamba empaka zokusunsulamu abanetaba mu AFCON.
Omutendesi wa ttiimu y’eggwanga, omutendesi w’abakuumi ba ggoolo ne Fitness trainer bafuuliddwa bakozi ba Uganda Cranes.
Omumyuuka womutendesi ajja kukola ngomutendesi wa Ttiimu y’eggwanga eyabali wansi w’emyaka 23 The Kobs.”
Omubeezi wa Minisita avunaanyizibwa ku by’ebyemizannyo, Peter Ogwang MP avuddeyo nagumya Bannayuganda nti omupiira ttiimu y’Eggwanga eya Uganda Cranes gwegenda okuddamu okusamba ne Algeria nga 12-June ejja kugusambira mu kisaawe ky’eggwanga ekya Mandela National Stadium – Namboole.
Kinajjukirwa nti ekibiina ekitwala omupiira munsi yonna ekya FIFA kyagaana ekisaawe kye Namboole okuddamu okusambirwamu omupiira oguli ku mutendera gw’ensi yonna gwonna olw’obutatuukana na mutindo.
Kkooti mu Ggwanga lya Bungereza esudde emisango egibadde givunaanibwa omusambi wa Manchester United, Mason Greenwood 21, okuli ogwokugezaako okukwata omukazi, okumutiisatiisa, okumukuba namulumya ssaako nokulondoola okusukiridde.
Ttiimu y’eggwanga lya Morocco ewandudde ttiimu y’eggwanga lya Portugal mpaka z’ekikopo ky’ensi yonna eziyindira e Qatar bwekikubye ggoolo 1 ku 0.
Morocco ly’eggwanga lya Afirika lyokka erituuse ku mpaka ezidirira ezakamalirizo.
Manchester United evuddeyo netegeeza nga bwesazizzaamu endagaano ne Cristiano Ronaldo mbagirawo. Man U egamba nti batuuse kunzikiriziganya era kkiraabu nemwebaza byagikoledde.
Sipiika wa Palamenti Rt. Hon. Anitah Among yegasse ku Pulezidenti wa Federation of Uganda Football Associations (FUFA) Eng. Moses Magogo ku mupiira gwa liigi y’abakyala wakati wa Kampala Queens ne Olila High School ku FUFA Technical Centre, Njeru (Jinja).
#SimbaSportsUpdates;
Uganda Police Force yefuze omuzannyo gwa tayikondo ow’abakyala n’abaamu mu mpaka za Inter-forces Games 2022 eziyindira emu Mweya Peninsula, Kasese nga kati yakawangula emiddaali 16 nga kugino 6 gya zzaabu, 5 gya ffeeza ate 5 gya kikomo.
Mu mizannyo egyazanyiddwa nga 25-September ku Uganda Wildlife Research Institute e Katwe- Kabatooro town, mu kibinja ky’abasajja Poliisi yawangudde emiddaali gya zzaabu 3, ffeeza 1 negyekikomo 4 era nabavaayo nobuwanguzi bomutendera guno olwo nebefunira omuddaali gwa Zzaabu omulala.
Uganda Prisons Service -UPS yakutte kyakubiri olwo Uganda Wildlife Authority (UWA) nekwata kyakusatu ate UPDF kyakuna.
Bbo abakyala ba Poliisi bawangudde emiddaali 3 egya zzaabu, 4 egya ffeeza n’ogumu ogwekikomo nebaddirirwa UPDF n’emiddaali 7, Prisons mu kyokusatu n’emiddaali 5 olwao abategesi aba UWA nebakoobera n’emiddaali 5.
Team Chairman MK Project Micheal Nuwagira wamu ne Suzan Tushabe Ssentebe wakatale ka Owino babaddewo nga abajulizi ttiimu ya Lufula bweyabadde ekuba ttiimu y’akatale ka Kiseka ggoolo 2 ku 0.
Guno gwegumu ku mipiira gyekikopo ekimanyiddwa nga City Markets Tournament nga kyetabiddwamu obutale mu Kibuga Kampala 18 nekigendererwa ekyokutumbula ebitone.Omuwanguzi bakwewangulira ekikopo wamu ne bbaasi empya ttuku.